Калі не ўмяшаецца надвор'е. Самым відовішчным для беларускіх фанатаў спорту будзе гэты дзень на Алімпіядзе. Сёння нашы атлеты выступяць у пяці дысцыплінах. Ужо ў 11:20 хварэем за біятланістак. Усе падрабязнасці з алімпійскай сталіцы - у Яўгена Перліна.
Сёння пасля ўчорашняга самага рамантычнага свята - Дня святога Валянціна - на Алімпіядзе для беларусаў даволі прадстаўнічы жаночы дзень. Біятлон на 15 кіламетраў. Дар'я Домрачава, Надзея Скардзіна, Ірына Крыўко і Дзінара Алімбекава.
Жаночая кваліфікацыя ў фрыстайле - Ала Цупер, Аляксандра Раманоўская, Ганна Гуськова.
У мужчын - таксама індывідуальная гонка на 20 км.
Юрый Данілачкін - хуткасны спуск.
Марыя Шканава - горныя лыжы: гіганцкі слалам.
Гэтыя старты пакуль запланаваныя. Але, судзячы па нестабільным характары надвор'я і ўчорашніх адменах, чакаць можна чаго заўгодна.
Самае крыўднае - гэта прыезд балельшчыкаў на адкладзеныя спаборніцтвы. Аднак арганізатары паабяцалі, што білеты будуць дзейнічаць на адкладзеныя спаборніцтвы.