Беларуская тэнісістка Вікторыя Азаранка пачынае новы год з перамогі. Свой першы матч у 2024 годзе беларуска правяла на кортах Брысбена, дзе ў другім крузе турніру серыі ВТА-500 справілася з расіянкай Ганнай Калінскай з лікам 6:1 у першым сэце, а ў другім за Вікторыяй застаўся напружаны тай-брэйк. Яго вынік - 10:8. 2 гадзіны і 12 хвілін працягваўся паядынак.
У 1/8 фіналу Азаранка сустрэнецца альбо з Ангелінай Калінінай, альбо з пераможніцай першага круга супрацьстаяння Зейнеп Сонмез - Клара Бюрэль.
