На мінскім веладроме разыграныя першыя медалі этапа Кубка свету па веласпорце на трэку. На гэты моманту сталі вядомыя пераможцы і прызёры ў дзвюх дысцыплінах з сямі.
А пачалася вячэрняя сесія з урачыстай цырымоніі адкрыцця спаборніцтваў, у якой выступілі музычныя калектывы, спартыўныя акрабаты. Вядома, не абышлося без прадстаўлення флага кожнай краіны, што ўдзельнічае ў спаборніцтвах.
Пасля ж пачалася барацьба за медалі. І адзін з фіналаў прайшоў не без удзелу беларускіх спартсменаў. Па выніках ранішняй кваліфікацыі ў фінал у мужчынскай гонцы па ачках прабіліся нашы Раман Раманаў і Гардзей Цішчанка. Спартсменам трэба было пераадолець 40 кіламетраў. У выніку Раман Раманаў фінішаваў на шостай пазіцыі, Гардзей Цішчанка стаў шаснаццатым. Пераможца этапа Кубка свету - брытанец Марк Сцюарт.
У 19:27 запланаваны старт жаночай групавой гонкі па ачках, дзе выступіць сярэбраная прызёрка ў гэтай дысцыпліне нядаўняга чэмпіянату Еўропы Таццяна Шаракова. Трансляцыя вячэрняй сесіі пачнецца на "Беларусь 5" у 19:15.
Сталі вядомыя пераможцы і прызёры ў дзвюх дысцыплінах этапа Кубка свету па веласпорце
1 ноября 2019