Развязка на XV Калядным турніры аматараў хакея на прыз Прэзідэнта Беларусі набліжаецца да завяршэння. Ужо сёння мы даведаемся абедзве каманды, якія заўтра сыдуцца ў матчы за трафей. Мінуў групавы этап, а гэта тры дні спаборніцтваў. Аднак плэй-оф заўсёды дорыць гледачам інтрыгуючыя і прынцыповыя супрацьстаянні.
На "Чыжоўка-Арэне" працуе наша здымачная група і спартыўны аглядальнік Андрэй Казлоў.
Мы зноў у гушчыні падзей XV Каляднага турніру аматараў хакея на прыз Прэзідэнта Беларусі. Завяршыўся першы паўфінал. Фінляндыя - Расія. Захаваем інтрыгу і да выніку вернемся зусім хутка.
Сёння раніцай адбылася вельмі прыкметная падзея. Бо ўсе ўдзельнікі калядных спаборніцтваў у Мінску гавораць аб тым, што турнір важны і з пункта погляду камунікацыі. Напрыклад, ужо стала традыцыяй, што рэспубліканскія спаборніцтвы "Залатая шайба" праходзяць у гэтыя ж даты, і гульцы сёння атрымалі магчымасць патрэніравацца з зоркамі Нацыянальнай хакейнай лігі. Гэта Дайнюс Зубрус, Андрэй Нікалішын і Дзмітрый Хрысціч. Думаю, мае аднагодкі выдатна памятаюць у 90-ыя гульню гэтых легенд у наймацнейшай лізе планеты. Як відаць па гэтых кадрах, удзельнікі "Залатой шайбы" атрымалі не толькі ўрокі майстэрства, але і зарад станоўчых эмоцый.
Вернемся да цэнтральнай падзеі Каляднага турніру прама зараз. Вынік - 5:2. Расія ў фінале.
І зараз мы ўсе чакаем другі паўфінал. На галоўным лёдзе "Чыжоўка-Арэны" ў 19 гадзін сыдзецца каманда Прэзідэнта Беларусі і зборная Аб'яднаных Арабскіх Эміратаў. Усе падрабязнасці сёння ў "Галоўным эфіры" на "Беларусь1".
