Прэзідэнт падпісаў указ аб удасканаленні сістэмы стымулявання спартсменаў

Каб нашы спартсмены дасягалі высокіх вынікаў на сусветных пляцоўках, прадугледжана сістэма стымулявання. Указам, які сёння падпісаў Прэзідэнт, пераглядаюцца  памеры імянных стыпендый, прызоў і ўзнагарод. Да пераліку алімпійскіх дысцыплін дадаліся віды спорту, якія не ўваходзяць у праграму галоўнага старту чатырохгоддзя, але будуць прадстаўленыя ў праграме Еўрапейскіх гульняў. Акрамя таго, прадаўжаюцца выплаты імянной стыпендыі   на тэрмін да аднаго года спартсменам, якія атрымалі траўму. У дадатак да прызоў за высокія вынікі атлетаў з парушэннем зроку ўказам вызначаны памеры прызоў і для спартсменаў-лідараў, якія вядуць  іх па дыстанцыі.