Плюс тры ўзнагароды ў скарбонку нашай зборнай прынеслі і прадстаўнікі кулявой стральбы. Яны завяршаюць 10 жніўня сваё выступленне на турніры. Адразу дзве беларускія юніёрскія каманды сталі прызёрамі ў стральбе з малакалібернай вінтоўкі з трох пастаў. У нас серабро і бронза. Акрамя таго, Арсень Ліванцоў падняўся на трэцюю прыступку п'едэстала пашаны па выніках індывідуальнага турніру.
