Вызначыліся тры ўдзельнікі групавога этапа футбольнай Лігі чэмпіёнаў па выніках кваліфікацыі

"Краснадар", якому з-за пашкоджання не мог дапамагчы абаронца зборнай Беларусі Аляксандр Мартыновіч, і ў другім матчы саступіў "Алімпіякасу", 1:2. У Грэцыі расіяне саступілі 0-4.

Не прабіўся ў групу наймацнейшага клубнага турніру і крыўдзіцель БАТЭ - нарвежскі "Русенборг". Гэтую каманду выбіла загрэбскае "Дынама". Напярэдадні клубы згулялі 1-1. У Харватыі гаспадары былі мацнейшымі, 2-0.

У пары "Црвена Звезда" - "Янг Бойз" ні сербы, ні швейцарцы за два матчы так і не атрымалі перамогі. Але далей ідзе каманда з Бялграда за кошт выязных галоў. У аўторак клубы згулялі 1-1. Тыднем раней у Берне  2-2.