Пільная ўвага моладзі! Галоўны трэнер нацыянальнай зборнай Беларусі па фрыстайле Мікалай Казека падзяліўся найбліжэйшымі планамі па фарміраванні каманды.
Учора позна ўвечар нашы лыжныя акрабаты вярнуліся з амерыканскага турнэ, завяршальным стартам якога стаў залаты для нас чэмпіянат свету. Аляксандра Раманоўская ўпершыню ў гісторыі беларускага жаночага фрыстайлу выйграла медаль вышэйшай пробы.
У наступную суботу, 16 лютага, у Маскве пройдзе чарговы ў сезоне этап Кубка свету, дзе ўжо дакладна не выступіць Павел Дзік, у якога пералом ключыцы. Неўзабаве вырашыцца пытанне і аб удзеле ў наступных стартах яшчэ некалькіх нашых лыжных акрабатаў.
