Лепшыя маладыя біятланісты планеты сёння разыграюць першыя камплекты ўзнагарод юніёрскага чэмпіянату свету. Сусветны форум прымаюць беларускія "Раўбічы". За тыдзень спаборніцтваў трэба будзе разыграць медалі ў 16-ці дысцыплінах.
Напярэдадні ж спартсмены правялі кантрольную трэніроўку. А ўжо ўвечар на плошчы Дзяржаўнага герба і флага Беларусі ў Мінску прайшла цырымонія адкрыцця чэмпіянату. Маляўнічае шоу, прывітанне спартыўных чыноўнікаў, а ў канцы - яркі феерверк.
Такім чынам, першыя старты чэмпіянату свету па біятлоне сярод юніёраў пройдуць літаральна праз некалькі гадзін. У 10:00 пачынаецца індывідуальная гонка на 10 кіламетраў сярод дзяўчат да 19-ці гадоў. У 13:30 у барацьбу ўступаюць юнакі. Таксама індывідуальная гонка, але ўжо на 12,5 кіламетра. Прамыя трансляцыі з "Раўбіч" будзе весці тэлеканал "Беларусь 5".
