Сталіца Беларусі гэтымі днямі прымае міжнародны турнір па боксе. "MINSK OPEN" памяці заслужанага трэнера Уладзіміра Бацвінніка сабраў удзельнікаў з сямі краін.
У спісах гасцей атлеты з Расіі, Казахстана, Узбекістана, Азербайджана, Польшчы і Швейцарыі. Узрост баксёраў - 15-16 гадоў, г.з. як раз тут самых перспектыўных хлопчыкаў і дзяўчынак трэнерскі штаб можа ўзяць на аловак. Адзначаем на спаборніцтвах і тытулаваных суддзяў. Сяргей Карнееў, напрыклад, бронзавы прызёр чэмпіянату свету 2011 года, удзельнік Алімпійскіх гульняў у Лондане, ужо некалькі гадоў на рынг выходзіць толькі ў якасці рэферы.
Турнір прадоўжыцца да 3-га лістапада. Дарэчы, дапамагае Беларускай федэрацыі бокса з арганізацыяй спаборніцтваў Прэзідэнцкі спартыўны клуб. Што датычыцца дарослых спартсменаў, то 19 лістапада асноўную каманду чакае хатні турнір памяці Віктара Лівенцава, таксама міжнародны.
