У няпростым паядынку гаспадары лёду абгулялі швейцарцаў. Выніковы лік на табло - 9:7. Кіраўнік дзяржавы ўдзельнічаў у чатырох узяццях варот. А раней на "Чыжоўка-Арэне" адбылася ўрачыстая цырымонія адкрыцця турніру з яркім шоу. Дзеля знаёмства з краінамі - удзельніцамі спаборніцтваў на лёд выехалі юныя хакеісты ў джэрсі з відарысам флагаў усіх васьмі краін.
Цяперашні турнір для каманды Швейцарыі стаў юбілейным, дзясятым. З гэтай нагоды нашы госці паднеслі Кіраўніку дзяржавы падарунак. Дзякуючы за штогадовы сардэчны прыём, швейцарцы прэзентавалі Аляксандру Лукашэнку хакейную майку.
Сёння Калядны турнір працягнецца чатырма матчамі. Беларусы памераюцца сіламі са славакамі. Сустрэча на вялікай арэне пачнецца а 7 вечара. А на малой арэне ў гадзіну дня шведы скрыжуюць клюшкі з фінамі.
