Хакейная каманда Прэзідэнта перамагла ў першым матчы фінальнай серыі аматарскага турніру

Адзін крок да чэмпіёнства. Хакейная каманда Прэзідэнта абгуляла дружыну Мінскай вобласці ў першым матчы фінальнай серыі XIII Рэспубліканскіх спаборніцтваў сярод аматараў на прызы Прэзідэнцкага спартыўнага клуба. Як і належыць усім вырашальным паядынкам, барацьба на лёдзе "Алімпік Парка" была напружанай, інтрыга захоўвалася практычна да фінальнай сірэны. Стартавы перыяд сустрэчы прайшоў у вострых атаках сапернікаў. Лік адкрылі хакеісты Мінскай вобласці. Прапусціўшы гол, гаспадары кінуліся адыгрывацца. Спачатку парытэт аднавіў Дзмітрый Мялешка. Следам Аляксей Круцікаў з перадачы Мікалая Лукашэнкі вывеў каманду ў лідары - 2:1. Пасля першага перапынку бескампраміснае саперніцтва працягнулася. Дружына сталічнага рэгіёна зраўняла лічбы на табло. Дзеючыя чэмпіёны турніру зноў актывізаваліся. Аляксандр Радзінскі, дзякуючы дакладнаму пасу Аляксандра Лукашэнкі, рэалізаваў большасць - 3:2. І, мабыць, толькі да сярэдзіны трэцяга перыяду вынік гульні быў прадвызначаны. Каманда Прэзідэнта закінула 4 шайбы. На гэта хакеісты Мінскай вобласці адказалі толькі адным узяццем варот Дзмітрыя Філіповіча. Вынік - 7:3. Галы ў складзе пераможцаў на свой рахунак таксама запісалі Аляксей Баранаў, Андрэй Міхалёў і Павел Волчак.

Другая гульня фінальнай серыі да дзвюх перамог адбудзецца 11 красавіка

Калі пасля яе лік будзе роўным, вырашальны паядынак за першае месца вызначаны на 12 красавіка. Нагадаем, 10 разоў каманда Прэзідэнта выйгравала спаборніцтвы сярод аматарскіх дружын. Па адным тытуле ў хакеістаў Гомельскай і Мінскай абласцей. А вось уладальнікі бронзавых медалёў ужо вядомыя - гэта каманда Брэсцкага рэгіёна, якая з лікам 7:3 сёння перайграла гродзенцаў.