Сёння наш плывун Ігар Бокі палепшыў свой жа сусветны рэкорд і ўзяў другое золата на Паралімпійскіх гульнях у Токіа! Другі дзень запар беларускі спартсмен паднімаецца на вышэйшую прыступку п'едэстала.
Сёння Ігар Бокі выйшаў на старт стометроўкі на спіне. І на гэтай дыстанцыі беларус быў відавочным фаварытам. Свае прэтэнзіі на золата даказаў яшчэ ў кваліфікацыі, якую завяршыў з лепшым часам сярод усіх удзельнікаў. У фінале, як і заўсёды, Ігар Бокі выклаўся на ўсе сто працэнтаў і здолеў не толькі атрымаць перамогу, але і ўстанавіць новы сусветны рэкорд - 56,36 секунды.
Ігар Бокі, 13-разовы чэмпіён Паралімпійскіх гульняў
Беларускія спартсмены працягнуць пакараць паралімпійскі п'едэстал у Токіа - упэўнівае шэф-місіі нашай зборнай Мікалай Шудэйка. На плаванне разлічвалі ў першую чаргу, а дыстанцыі, на якіх Ігар Бокі ўжо выйграў два залатыя медалі, яго любімыя.
Такім чынам Бокі стаў 13-разовым чэмпіёнам Паралімпійскіх гульняў! У Токіа беларус выступіць яшчэ на чатырох дыстанцыях: ужо заўтра на 400 метрах вольным стылем. Верым, што Ігар не спыніцца на двух п'едэсталах і жадаем яму поспеху.
