Псіхалагічны прэсінг на суд з боку "абвінавачання" можа і, хутчэй за ўсё, паўплывае на тэрміны вынясення вердыкту аб правамернасці адхілення мужчынскай зборнай Беларусі па веславанні на байдарках і каноэ ад Гульняў у Рыа-дэ-Жанэйра.
Аб гэтым заявіў дырэктар Рэспубліканскага цэнтра алімпійскай падрыхтоўкі па вяслярных відах спорту Сяргей Хмялькоў. Прайшлі два тыдні пасля слухання ў Лазане, аднак яго вынік дагэтуль не апавяшчаецца.
Нагадаем, інтарэсы зборнай у судзе прадстаўлялі швейцарскія адвакаты. Яны выказалі аргументаваную і выразную пазіцыю беларускага боку, а вось довады юрыстаў Міжнароднай федэрацыі каноэ апынуліся не занадта пераканаўчымі. Доказы віны беларускіх весляроў прадстаўленыя не былі.
Тым часам мужчынская зборная Беларусі па веславанні ўжо вядзе падрыхтоўку да новага сезона - зараз яна ў поўным складзе на зборы ў Малдове, жаночая каманда пакуль трэніруецца ў Гомелі.
