Матчы турніру на стадыёнах наведалі больш за тры мільёны чалавек. Свята і сёння працягваецца ва ўсіх 11 гарадах, якія прымалі мундыяль.
Галоўная футбольная інтрыга чатырохгоддзя вырашылася напярэдадні на маскоўскім стадыёне "Лужнікі". Зборная Францыі, перамогшы Харватыю, другі раз у сваёй гісторыі пасля 20-гадовага перапынку стала чэмпіёнам свету. Найлепшым гульцом турніру прызнаны Лука Модрыч - паўабаронца зборнай Харватыі, а найлепшым маладым гульцом - форвард зборнай Францыі 19-гадовы Кіліян Мбапе.
