Чэмпіянат Еўропы па гандболе: беларусы саступілі немцам

Няўдала выступілі нашы гандбалісты. Зборная Беларусі напярэдадні ўвечар саступіла Германіі на другім групавым этапе чэмпіянату Еўропы. Не заладзілася са старту сустрэчы, калі немцы, па сутнасці, і зрабілі розніцу ў ліку, які пратрымаўся  да фінальнай сірэны. Як і ў матчы з Харватыяй, быў зафіксаваны лік 23:31 не на карысць беларусаў. Такім чынам  у табліцы асноўнага раўнда ў нашай каманды два паражэнні пасля дзвюх  сустрэч і 6-е месца. Наступны матч у суботу. Сапернік - зборная Чэхіі. Лідзіруюць у групе Харватыя і Іспанія. У іх па дзве перамогі. Гэтыя каманды - галоўныя прэтэндэнты на паўфінал ад нашага пула.