Беларуская пара Крысціна Мазурына і Максім Варабей заняла 16 месца па выніках суперміксту на чэмпіянаце Еўропы па біятлоне ў Польшчы. Усяго фінішыравала 22 тандэмы. Перамаглі Дар'я Віралайнен і Яўген Гаранічаў з Расіі. Таксама расіяне святкавалі перамогу ў змяшанай эстафеце. Зборная Беларусі ў складзе Марыі Панфілавай, Крысціны Ільячэнкі, Уладзіміра Чапеліна і Сяргея Бачарнікава паказала 9 вынік.
