У першы дзень чэмпіянату Еўропы па пяцібор'і, які сёлета прымае Беларусь, наша каманда заваёўвае і першы медаль. Бронза ў жаночай эстафеце. У пераможнай тройцы таксама Германія і Расія. Мы не ўпершыню прымаем буйныя міжнародныя старты па пяцібор'і. Найбліжэйшая мэта - чэмпіянат свету. Тым больш для правядзення кантынентальнага турніру ў Беларусі ёсць усё. Андрэй Казлоў пра тое, што акружае сусветны турнір.
Міжнародныя спаборніцтвы па сучасным пяцібор'і збіраюць вялікую аўдыторыю, дзе кожны можа выбраць від спаборніцтваў на любы густ, у гэтым і ёсць асаблівасць такога віду спорту. Канкур, фехтаванне, плаванне, бег і стральба.
Беларусь жа, у прыватнасці Ратамку, у правядзенні буйных стартаў вызначае адно - цудоўны ландшафт і краявід.
У пачатку мінулага стагоддзя заснавальнік сучаснага алімпійскага руху барон П'ер дэ Кубертэн, які сам захапляўся пяцібор'ем, увёў яго ў праграму галоўных Гульняў чатырохгоддзя. Дэбют адбыўся ў 1912 годзе ў Стакгольме.
Беларусь у пачатку XXI стагоддзя любіць і прымае спаборніцтвы па сучасным пяцібор'і. Цяперашні чэмпіянат Еўропы падоўжыцца да 24 ліпеня, калі адбудзецца змяшаная эстафета. Плаванне праходзіць у басейне ўніверсітэта фізкультуры, фехтаванне - на веладроме "Мінск-Арэны". Верхавую язду, стральбу і бег прымае Рэспубліканскі цэнтр алімпійскай падрыхтоўкі "Ратамка".
Адным з найпрыгажэйшых відаў сучаснага пяцібор'я з'яўляецца канкур. І гэта насамрэч дзіўны працэс. Спачатку адбываецца праходка, гэта значыць папярэдняя размінка. Далей на тым полі - размінка ўжо актыўная. І, нарэшце, на гэтым стадыёне спартсмены змагаюцца за ўзнагароды чэмпіянату Еўропы.
Акрамя спаборніцкай праграмы ў Ратамцы арганізаваныя пункты харчавання і гульнявая зона. Сумна тут сапраўды не будзе. У тым ліку і дзякуючы выніку. Ужо ў першы дзень у Беларусі - бронзавы медаль. Кацярына Арол і Таццяна Халдоба трэція ў жаночай эстафеце.
Першы нумар нацыянальнага рэйтынгу і 11-ы сусветнага Анастасія Пракапенка прыме ўдзел толькі ў асабістых спаборніцтвах. У нашай легендарнай спартсменкі галоўная барацьба наперадзе - беларуска рыхтуецца да сваёй чацвёртай Алімпіяды, якая пройдзе ў Токіа ў 2020.
У найбліжэйшыя дні ў Мінск прыедзе і алімпійскі чэмпіён Рыа-дэ-Жанэйра Аляксандр Лясун, які рабіў першыя крокі ў пяцібор'і менавіта ў Беларусі. А ў канцы жніўня адбудзецца чэмпіянат свету ў Каіры.
