У першую чаргу, чакаем жаночую гонку праследавання, у склад якой трапілі чатыры беларускі. Дар'я Домрачава адправіцца на дыстанцыю праз 46 секунд пасля лідара Лауры Дальмаер. 1 хвіліну і 11 секунд складзе адставанне на старце Ірыны Крыўко. Выступяць у гонцы таксама дзве Надзеі - Скардзіна і Пісарава. Такім чынам, прамая трансляцыя пачнецца на "Беларусь 5" у 13:05.
У 14:55 тут жа трансляцыя мужчынскай гонкі праследавання. Па выніках спрынту ў стартавы пратакол трапілі трое беларусаў: Уладзімір Чапелін, Сяргей Бачарнікаў і Антон Смольскі. Апошні напярэдадні паказаў свой лепшы вынік у сезоне. Канькабежка Марына Зуева пазмагаецца на дыстанцыі паўтары тысячы метраў. Прамая трансляцыя жаночага гіганцкага слалама не адбудзецца. З-за ветру спаборніцтвы, у якіх павінна была выступіць гарналыжніца Марыя Шканава, перанесены.
