"Псіхалагічна было цяжка. У астатніх двух этапах Кубка свету неабходна было трапіць у фіналы, каб зарабіць рэйтынгавыя ачкі" - такім меркаваннем пасля прылёту дахаты падзяліўся беларускі батутыст Іван Літвіновіч, які разам з Віялетай Бардзілоўскай заваяваў алімпійскія ліцэнзіі на гульні ў Парыжы.
Для кваліфікацыі спартсменам неабходна было трапіць у топ-10 рэйтынгу па колькасці набраных балаў на адборачных этапах Кубка свету. З-за адхілення беларусы прапусцілі турніры ў Партугаліі, ЗША і Балгарыі. Але Літвіновіч на першынствах у Баку і нямецкім Котбусе двойчы стаў бронзавым прызёрам і ў суме набраў 100 рэйтынгавых ачкоў. У актыве ж Бардзілоўскай - 40 балаў, якіх таксама хапіла для алімпійскага адбору.
На дадзены момант Беларускія спартсмены алімпійскія нарматывы апроч скачкоў на батуце выканалі ў барацьбе, акадэмічнаму веславанню, веласпорце на шашу, лёгкай атлетыцы, плаванні і таэквондо. Гульні ў Францыі пройдуць з 26 ліпеня па 11 жніўня.
