Арына Сабаленка з упэўненай перамогі стартавала на тэнісным турніры ў Санкт-Пецярбургу

Крыху больш за гадзіну спатрэбілася 10-й ракетцы свету, каб абгуляць 52-і нумар рэйтынгу WTA Элісан ван Эйтванк - 6-1, 6-4. У матчы за выхад у паўфінал Сабаленка сустрэнецца з расіянкай Кацярынай Аляксандравай. Дзяўчаты гулялі адна з адной двойчы, пакуль лік у асабістых сустрэчах роўны. Праўда, у апошнім паядынку, які адбыўся сёлета, Сабаленка была мацнейшай.