З прыцэлам на перспектыву і мірнае будаўніцтва. Беларусь гатова працягнуць Данецку руку дапамогі. Сітуацыю ў ДНР і пытанні эканамічнага аднаўлення Прэзідэнт Беларусі сёння абмеркаваў з часова выконваючым абавязкі кіраўніка Данецкай Народнай Рэспублікі. Дзяніс Пушылін падзякаваў за традыцыйную беларускую гасціннасць, а Аляксандр Лукашэнка прапанаваў адкрыта абмяняцца меркаваннямі па актуальным парадку дня.
У ДНР ужо думаюць катэгорыямі мірнага будаўніцтва і наводзяць масты з праверанымі і надзейнымі партнёрамі. На аднаўленне спатрэбіцца нямала часу і сіл, і тут Мінск гатовы падставіць плячо.
Асабліва запатрабаваныя кампетэнцыі беларусаў у сельскай гаспадарцы і прамысловасці. Ёсць патрэбнасць у тэхніцы, і гэта не толькі кар'ерныя самазвалы, але і нашы МАЗы. З ДНР у Беларусь можа пастаўляцца, напрыклад, каалінавая гліна. Зараз неабходна думаць на перспектыву - усе тэмы ўзаемавыгаднага супрацоўніцтва ўзятыя ў прапрацоўку.
