Гарачы час перажывае Беларусь - у разгары ўборачная кампанія. Немагчыма быць абыякавым зараз. Калі кожны дзень корміць год. Кожны каласок на рахунку. З гэтых каласкоў, з працы кожнага ў полі, і ў мехдвары, і на сушылцы, з рашэнняў кіраўнікоў гаспадарак і вышэй складаецца наш агульны каравай.
Тут патрэбна цвёрдая рука гаспадара. Гаспадара на зямлі. У кожнай гаспадарцы, на кожным полі, за кожным камбайнам, у кожным раёне.
Адгэтуль - шэраг аператыўных кадравых рашэнняў на вышэйшым узроўні. Гэтае пытанне сёння разгледзеў Прэзідэнт Беларусі Аляксандр Лукашэнка. Новыя пасады атрымалі 18 чалавек.
Узгадняючы прызначэнні кіраўнікоў раённага і рэгіянальнага ўзроўняў, Кіраўнік дзяржавы акцэнтуе ўвагу - мясцовыя органы ўлады павінны ажыццяўляць паўнамоцтвы ў поўным аб'ёме.
Прадстаўлены 7 новых старшыняў райвыканкамаў. Да 1 кастрычніка - у іх "асаблівы" статус. Рашэнні па ўборачнай, якія прымаюць на гэтым узроўні, можа аспрэчыць толькі губернатар.
Расказвае Аляксей Марцінёнак: Уборачная ў самым разгары. Дзень Ікс для аграрыяў - 20 жніўня. Да гэтага тэрміну на палях павінны завяршыць асноўную працу з зерневымі. На вялікай селектарнай нарадзе высветлілася, што перашкаджае ўдала спрацаваць на "Каравай-2017". І кадравае пытанне апынулася адным, якое патрабуе самага аператыўнага рашэння.
Некаторыя раёны на момант пачатку ўборачнай апынуліся без кіраўнікоў. Прэзідэнт патрэбаваў неадкладна ўзгадніць кандыдатуры. У такі гарачы час, калі тэхніка знаходзіцца на палях літаральна кругласутачна, без моцнай рукі проста не абысціся.
Да 1 кастрычніка ў старшыняў райвыканкамаў - асаблівыя паўнамоцтвы. Рашэнні па ўборачнай, якія прымаюць на гэтым узроўні, можа аспрэчыць толькі губернатар. Усе сілы - на вынік, а значыць - кожны павінен займацца сваёй справай. Лепш кіраўніка раёна на месцах ніхто не арыентуецца.
А яшчэ лепш, калі новаспечаны кіраўнік як раз і быў адказным за сельскую гаспадарку. У такім разе ён ведае практычна ўсё
Андрэй Булаўкін як раз сёння змяніў пасаду галоўнага па аграрным сектары раёна на партфель старшыні. Новы старшыня Бешанковіцкага райвыканкама прымае віншаванні прама ў полі. Чалавек не новы: усю працу аграрыяў ведае знутры. У найбліжэйшых планах - час завяршыць уборачную. Тым больш што раён сёння - адзін з лідараў па тэмпах жніва ў Віцебскай вобласці. Ужо прыбрана амаль 20 % зерневага кліну.
Не прайшло і тыдня пасля селектарнай нарады па ўборачнай, як ужо прынятыя рашэнні па адразу сямі старшынях райвыканкамаў. Прэзідэнт яшчэ раз нагадвае: збор ураджаю - зараз галоўнае выпрабаванне для ўсёй краіны. Няпростыя ўмовы надвор’я ствараюць некаторыя складанасці, але прыбраць хлеб трэба без страт.
Тута жа новы першы намеснік старшыні Віцебскага рэгіёна. Для Алега Мацкевіча гэта і крок па кар'ернай лесвіцы, і новы ўзровень адказнасці. На поўначы краіны ўборачная традыцыйна даецца нялёгка. Кожны год у прамым сэнсе прыходзіцца ратаваць хлеб. Менавіта таму Прэзідэнт чарговы раз прапаноўвае перагледзець структуру пасеваў і зрабіць стаўку на іншыя культуры.
Два новыя кіраўнікі раёнаў і ў Брэсцкім рэгіёне. У Ганцавічах заступае на пасаду Уладзімір Бялоў, у Драгічыне - Аляксандр Дарашэнка. Абодва ўжо даўно працуюць у сваіх раёнах і на справе ведаюць, што такое ўзаемадапамога. Дзе гэта неабходна могуць і аб'ядноўваць намаганні. У прыватнасці, дзяліцца тэхнікай - бо агульны каравай - агульная справа.
Прэзідэнт выразна дае зразумець новым кіраўнікам, як шмат ад іх зараз залежыць.
Аршанскі раён. На такім складаным участку патрэбен моцны кіраўнік, галоўным крытэрыем працы якога будзе якасць жыцця людзей. Задача пад сілу не кожнаму, менавіта таму выбар упаў на памочніка Прэзідэнта па Віцебскай вобласці. Аляксандр Пазняк - новы кіраўнік Аршанскага райвыканкама.
Да Аршанскага краю, і праўда, стаўленне асаблівае. Не так даўно было прынята рашэнне даць другое дыханне гэтым землям. А значыць, будуць і інвестыцыі, і аператыўнае рашэнне пытанняў.
Новы кіраўнік раёна і ў Салігорску. Алег Паскробка заняў гэтую пасаду пасля крэсла першага намміністра жыллёва-камунальнай гаспадаркі. Стаўка на такога надзейнага чалавека, можна сказаць, вымушаная мера. У Салігорску маецца быць сур'ёзна папрацаваць у тым ліку і над іміджам улады. Пры гэтым Алег Паскробка прадоўжыць працу ў складзе групы па рэформе ЖКГ. Гэты вопыт можа спатрэбіцца і ў раёне.
Хтосьці скажа, для намміністра такое прызначэнне зусім не павышэнне. Але Алег Паскробка прызнаецца - адказнасці ў кіраўніка райвыканкама ўжо сапраўды не менш, чым на папярэдняй пасадзе.
Ды і раён - адзін з наймагутных у краіне. Беларуськалій, Старобінскае радовішча. А яшчэ больш за 130 тысяч жыхароў. Тут і вопыт у ЖКГ будзе дарэчы.
Таксама Прэзідэнт даў згоду на прызначэнне новых кіраўнікоў у Асіповіцкі і Хоцімскі райвыканкамы. Імі сталі Павел Налівайка і Дзмітрый Рубан. Таксама, дарэчы, падняліся па кар'ернай лесвіцы з намеснікаў. Пажаданне для ўсіх: сабраць каманду аднадумцаў і не баяцца прымаць рашэнні.
Прызначэнне новых кіраўнікоў заснавана не толькі на патрэбнасцях уборачнай. Гэта кадры, якія павінны працаваць на будучыню краіны. Ад кіраўнікоў зараз залежыць сапраўды шмат. У тым ліку, нагадвае Прэзідэнт, хутка пачнецца новы навучальны год, да якога школы павінны быць цалкам гатовыя.
Своеасаблівая ракіроўка адбылася і ў знешнепалітычным ведамстве. Намеснік міністра замежных спраў Валянцін Рыбакоў прызначаны Пастаянным прадстаўніком Беларусі пры ААН, а Андрэй Дапкюнас, які займаў гэтую пасаду, вернецца ў Мінск і зойме яго месца ў МЗС. Дыпламатычны ход рушыў услед і ў дачыненні Анатоля Капскага, які застаецца ля руля футбольнага клуба БАТЭ, але па пагадненні бакоў вызваляе крэсла генеральнага дырэктара Барысаўскага завода аўтатрактарнага электраабсталявання. Яго зойме Аляксандр Марчанка - экс-дырэктар па развіцці гэтай жа вытворчасці. Перастановы і ў шэрагах спартыўных функцыянераў: гендырэктар комплексу "Стайкі" Аляксандр Баравуля - зараз намеснік міністра спорту і турызму. Пасада такога ж ўзроўню, але ў Міністэрстве прыродных рэсурсаў - за Аляксандрам Корбутам. Новыя кіраўнікі і ў прамысловым сектары: Мінскае вытворчае аб'яднанне вылічальнай тэхнікі ўзначаліў Анатоль Марцуль, новы гендырэктар "Віцязя" - Генадзь Азараў, Мінскага завода шасцерняў - Сяргей Пацкевіч. Папоўніліся і шэрагі членаў Віцебскага і Мінскага гарвыканкамаў: Іван Кубракоў будзе працаваць у самым паўночным абласным цэнтры, Сяргей Клішэвіч - у сталіцы.
Зрэшты, усе рэгіёны, і ўсе ўчасткі працы такога ўзроўню аб'ядноўвае адно - адказнасць. Менавіта таму на самыя складаныя месцы кінутыя, можна сказаць, элітныя кадры, якія павінны паказаць прыклад усёй краіне і падняць якасць жыцця ў асобна ўзятым раёне на прынцыпова новы ўзровень.
Самы пачатак рабочага тыдня, панядзелак, людзі часта ўспрымаюць як дзень гэткага "разварушвання" перад працоўнымі подзвігамі. Але кіраўнікі такую раскошу дазволіць сабе не могуць.
Асабліва ў гэты гарачы час. 18 новых кіраўнікоў павінны ўзяць новую, кожны сваю, планку.
