Цырымонія пройдзе на тэрыторыі былога лагера смерці "Трасцянец". Пра гэта паведамілі ў прэс-службе беларускага лідара.
Плануецца, што ў мерапрыемстве будуць удзельнічаць дэлегацыі з Германіі і Аўстрыі на чале з прэзідэнтамі гэтых краін Франкам-Вальтарам Штайнмаерам і Аляксандрам ван дэр Беленам. Мітынг-рэквіем наведае і экс-лідар Аўстрыі Хайнц Фішэр. Прыбудуць і афіцыйныя дэлегацыі Ізраіля, Польшчы, Чэхіі. Сусветны яўрэйскі кангрэс будзе прадстаўляць намеснік галоўнага выканаўчага дырэктара Марам Штэрн. Таксама запланаваныя асобныя сустрэчы Прэзідэнта Аляксандра Лукашэнкі з лідарамі Аўстрыі і Германіі.
