Рабочая субота ў Беларусі і Расіі стала рабочай і для прэзідэнтаў дзвюх краін. Перспектыўныя пытанні інтэграцыі сёння ў Крамлі абмяркоўвалі Аляксандр Лукашэнка і Уладзімір Пуцін. Нагадаем, сустрэцца яшчэ раз да Новага года лідары дамовіліся таксама ў Маскве 25 снежня. І такія частыя перамовы нават сталі нагодай для жарту.
Прэзідэнт Беларусі падкрэсліў, што ўжо ў бягучым годзе саюзнікі паспелі сфарміраваць двухбаковую рабочую групу. Яна зоймецца ліквідацыяй перашкод на шляху саюзнай інтэграцыі і выпрацоўкай прымальных формул вырашэння спрэчных пытанняў. У прыватнасці, сёння актуальныя механізмы кампенсацыі так званага падатковага манеўру Расіі ў нафтавым сектары для беларускага бюджэту і выхад на роўныя ўмовы для суб'ектаў гаспадарання да 2025 года - года паўнацэннага запуску Еўразійскага эканамічнага саюза без адбіранняў і абмежаванняў. Абодва лідары падкрэслілі важнасць актывізацыі такой працы.
Уладзімір Пуцін, Прэзідэнт Расіі: "Як мы і дамаўляліся, ствараем рабочую групу па далейшым развіцці нашых сувязяў у сферы эканомікі, па іншых кірунках. І па Вашай прапанове папрацуем над кірункам развіцця нашых планаў у будаўніцтве Саюзнай дзяржавы. Прапаноўваю сёння як раз пагаварыць на гэтую тэму. Зверым гадзіннікі з нагоды таго, як працягваецца праца па тых кірунках, па якіх мы дамовіліся актывізаваць працу на мінулай сустрэчы".
Прэзідэнт Расіі прапанаваў зрабіць сустрэчы напярэдадні Новага года яшчэ адной саюзнай традыцыяй. Пры гэтым абодва лідары вельмі цяпло павіншавалі адзін аднаго і народы Беларусі і Расіі з будучымі святамі.
