Лукашэнка накіраваў спачуванне ў сувязі з гібеллю Прэзідэнта Ірана

Прэзідэнт Беларусі Аляксандр Лукашэнка накіраваў спачуванне Вярхоўнаму лідару Ісламскай Рэспублікі Іран Алі Хаменеі ў сувязі з трагічнай гібеллю Прэзідэнта гэтай краіны Эбрахіма Раісі і шэрагу высокапастаўленых кіраўнікоў, паведамляе БЕЛТА.
Кіраўнік дзяржавы адзначыў, што ў Беларусі з глыбокім смуткам успрынялі гэтую вестку.
Ад імя беларускага народа і сябе асабіста Прэзідэнт таксама выказаў шчырыя спачуванні і словы падтрымкі родным і блізкім загінуўшых, усяму іранскаму народу.