Восем гадзін і пятнаццаць хвілін - "Вялікая размова з Прэзідэнтам" завяршылася толькі вечарам. Гэтая ўнікальная падзея транслявалася ў прамым эфіры і ўвесь дзень трымала ў напружанні інфармацыйнае поле не толькі нашай краіны, а таксама блізкага і далёкага замежжа. Нагадаем, на ўдзел у медыямарафоне падалі заяўкі каля тысячы чалавек. Толькі тры сотні змагла ўмясціць Вялікая зала Палаца Незалежнасці. Сярод гасцей прадстаўнікі СМІ Літвы, Украіны, Расіі, ЗША, Вялікабрытаніі - усяго дванаццаці дзяржаў. У кожнага сваё пытанне і свой погляд на беларускія падзеі. Хаця... ці заўсёды свой? Часам складвалася ўражанне, што зададзеныя пытанні заходнімі СМІ былі нібы спушчаны зверху і тыражаваліся, нягледзячы на тое што адказ ужо гучаў, прычым не аднойчы. Гэта міжволі падштурхоўвала да думкі: а гэта сапраўды свабодныя СМІ?
Прэзідэнт адказаў усім. Часам дастаткова рэзка, часам разважліва, але заўсёды шчыра і паглыбляючыся ў тэму пытання. Абнаўленне Канстытуцыі, праца эканомікі, адносіны Беларусі з суседзямі, адказ на санкцыённую палітыку, сітуацыя на мяжы з Літвой і яшчэ дзясяткі найважнейшых тэм. Грунтоўна пра самае важнае. Асноўныя моманты "Вялікай размовы" ў вялікім рэпартажы. Расказвае Аляксей Марцінёнак.
"Вялікая размова з Прэзідэнтам" сабрала прадстаўнікоў з дванаццаці краін
Беларусь апынулася ў фокусе ўвагі ўсяго свету, але не па сваёй волі. Няпросты год пражыты. Мы вытрымалі і ўпэўнена трымаем інфармацыйны ўдар. А сваю стратэгію рэагавання на выклікі распрацоўвалі ў экстрэмальных умовах. Беларуская дзяржава атрымала неацэнны вопыт і прайшла выпрабаванне на нацыянальнае адзінства. А адзіны антыдот супраць інфармацыйнага яду, паводле версіі кіраўніка дзяржавы, - гэта толькі чыстая праўда.
Прэзідэнт адказаў на санкцыённую рыторыку Захаду
Шэраг пытанняў "Вялікай размовы" прадказальна датычыўся санкцыённай рыторыкі Захаду і працы ў гэтых умовах беларускіх прадпрыемстваў. Так, Аляксандр Лукашэнка адказаў на пагрозы Літвы спыніць транзіт калійных угнаенняў. У такім разе Беларусь перанакіруе патокі ў іншыя парты на тэрыторыі Расіі. А асобным палітыкам Прэзідэнт парэкамендаваў больш думаць перад прыняццем рашэнняў.
Прэзідэнт гатовы даць без купюр інтэрв'ю амерыканскаму каналу CNN
Частка пытанняў датычылася геапалітыкі, сучасных сцэнарыяў каляровых рэвалюцый, а таксама падзей, што адбыліся ў Беларусі пасля прэзідэнцкіх выбараў. Аляксандр Лукашэнка адказаў на ўсе. Пры гэтым пагадзіўся даць інтэрв'ю CNN, прадстаўніца якога была ў зале. Аднак пры адной умове. І задаў сам пытанне амерыканцам.
Па ўсіх законах драматургіі прама падчас размовы наконт заходняй дэмакратыі прыйшло паведамленне з Лондана.
Там людзі, якія пратэстуюць супраць антыкавідных абмежаванняў і ўвядзення пашпартоў вакцынацыі, спрабавалі штурмаваць студыю Бі-бі-сі. Рэакцыя залы гаворыць сама за сябе.
Асобныя пытанні выклікалі бурнае абмеркаванне ў зале
Асобныя пытанні па падзеях жніўня 2020-га, што прагучалі ад амерыканскіх журналістаў, выклікалі бурнае абмеркаванне ў зале. Сваё меркаванне, падмацоўваючы фактамі і аператыўнымі здымкамі, спрабавалі данесці ім прадстаўнікі беларускіх СМІ.
Аднак з таго боку толькі свабода слова ва ўсёй красе. А дакладна, абмежаванасць гэтага слова. Завучаная мантра аб катаваннях прагучала ад усіх заходніх журналістаў. Як пад капірку - хто з паперкі, хто з тэлефона - гаварылі адно і тое ж. Склалася ўражанне, што няхай пытанне ўжо прагучала тройчы, пра іншае спытацца проста забаронена. Хаця ўсе ўжо зразумелі, што з Прэзідэнтам можна пагаварыць пра ўсё. На сустрэчы нават былі моманты, калі кіраўнік дзяржавы тут жа даваў даручэнне разабрацца ў сітуацыі.
Прэзідэнт даручыў да канца года выпрацаваць сістэму падавання грамадзянства перасяленцам з Украіны
Напрыклад, адказваючы на пытанне нашай калегі Ксеніі Лебедзевай аб грамадзянстве для перасяленцаў з Украіны, Прэзідэнт даручыў паставіць кропку ўжо да канца года.
Вялікі блок размовы прысвяцілі Украіне. Тое, што ў гэтай краіне цікавасць да меркавання беларускага лідара вялізная, не выклікае сумненняў.
Адразу некалькі журналістаў у зале змаглі пагутарыць з Аляксандрам Лукашэнкам. Першае пытанне аб актуальным. Адносіны братэрскіх народаў былі і застаюцца самымі цёплымі, а вось на дзяржаўным узроўні - відавочныя праблемы.
Журналіст тэлеканала наш Максім Назараў прымудрыўся ўзяць паўнацэннае інтэрв'ю ў кіраўніка дзяржавы. Дыялог у аўдыторыі працягваўся каля паўгадзіны і тут жа разляцеўся загалоўкамі па дзясятках СМІ. Гаварылі ў тым ліку аб тым, якім бачаць беларускага лідара краіны-суседзі.
Палітычная будучыня Беларусі
Як зараз выглядае ўнутранае палітычнае поле Беларусі і хто можа стаць наступным прэзідэнтам краіны - пацікавіўся наш калега з Расіі Канстанцін Прыдыбайла.
Прэзідэнт аб інтэграцыі з Расіяй - у аснове раўнапраўе
Любая інтэграцыя павінна быць без наступстваў для незалежнасці і суверэнітэту - падкрэсліў Прэзідэнт, гаворачы аб супрацоўніцтве Беларусі і Расіі.
Наша краіна ніколі не была супраць цеснага саюза з Расіяй, у аснове якога аднолькавыя ўмовы і раўнапраўе. Што датычыцца падзей мінулага года - яны зблізілі дзяржавы і многае расстаўлена па месцах. Вышэйшы дзяржсавет Саюзнай дзяржавы дасць выразнае разуменне, як будуць далей развівацца партнёрскія адносіны ў эканоміцы. Дарожныя карты перафармаціраваны ў саюзныя праграмы.
Стратэгічнае ваеннае супрацоўніцтва Беларусі і Расіі - косць у горле для калектыўнага Захаду. Агульная гісторыя пераможцаў і братэрскія сувязі, якія немагчыма разбурыць - жалезны аргумент і тэма, якой надалі асобную ўвагу ў размове.
Яшчэ адно пытанне ад прадстаўніка некалі нашай вялікай агульнай Радзімы.
Грузія, як і некаторыя іншыя постсавецкія краіны, аддаляючыся адно ад аднаго, страчвае і рынкі, і гістарычную памяць.
"Вялікая размова з Прэзідэнтам" - шырокі спектр паднятых тэм
Сустрэча працягвалася больш як 8 гадзін. Сярод тэм - знешняя палітыка Беларусі, адносіны з Украінай, Літвой, сучасная геапалітыка і сілавыя сцэнарыі каляровых рэвалюцый. Пыталіся і аб здрадніках, і аб леташніх пратэстах. Пачула і гэта аўдыторыя, і ўвесь свет.
Насычаная размова аб галоўным роўна праз год, як Беларусь засталася суверэннай і незалежнай Беларуссю.