Прэзідэнт узгадніў і прызначыў кіраўнікоў міністэрстваў, найважнейшых дзяржарганізацый, мясцовых органаў улады, а таксама дыпламатычных работнікаў знешняга вектара беларускай палітыкі.
Максім Ермаловіч зрабіў крок наверх у структуры Мінфіна: экс першы намеснік зараз займае пасаду міністра фінансаў. Такое ж перамяшчэнне і ў Міністэрстве энергетыкі, якім зараз кіруе Віктар Каранкевіч. Пасля прызначэння Ігара Ляшэнкі віцэ-прэм'ерам утварылася вакансія старшыні Белнафтахіма. На гэтую пасаду Кіраўнік дзяржавы ўзгадніў Андрэя Рыбакова. І для яго гэта таксама паступальны рух уверх па вертыкалі канцэрна. У размове з новымі кіраўнікамі Прэзідэнт расказаў аб сваіх падыходах пры прызначэнні высокіх службовых асоб.
Таксама кадравыя перастаноўкі закранулі вертыкаль выканаўчай улады і некаторыя прадпрыемствы. Традыцыйна Аляксандр Лукашэнка асабіста сустракаецца і размаўляе з новымі старшынямі райвыканкамаў. Гомельскі раён зараз курыруе Алена Алексіна. Яна перайшла на пасаду з дэпутацкага корпусу. Юрый Горлаў зараз кіруе Маладзечанскім раёнам, а вакансію ў Стоўбцах заняў Дзяніс Колесень. Старшынёй Быхаўскага райвыканкама стаў Дзмітрый Марціновіч, за Клімавіцкі раён адказвае Леанід Засямчук. Новыя асобы і на ключавых прамысловых прадпрыемствах краіны. Мінскі маторны завод узначаліў Аляксандр Рагожнік, а Брэсцкі электралямпавы - Ірына Зарамбоўская. Тут адзін з асноўных акцэнтаў Аляксандра Лукашэнкі датычыўся працы з людзьмі і дысцыпліны ў самым шырокім, дзяржаўным разуменні.
Таксама сёння Прэзідэнт даў згоду на прызначэнне Івана Рабкаўца намеснікам міністра транспарту і камунікацый. У гэтым жа міністэрстве новы дырэктар дэпартамента па авіяцыі - Арцём Сікорскі. Дзмітрый Мірончык зараз пасол Беларусі ў Швецыі і Нарвегіі па сумяшчальніцтве. Уладзімір Астапенка будзе прадстаўляць нашу краіну ў Парагваі і Перу. Ігар Бондараў зараз генеральны консул у Дубаі. Папаўненне і ў радах членаў аблвыканкамаў. Сяргей Гладышаў будзе працаваць у Брэсце, Аляксандр Невяроўскі і Павел Міхалюк - у Гродне, Аляксандр Церахаў - у Магілёве.
