Новую пасаду атрымаў Валерый Малашка. Ён стаў міністрам аховы здароўя Беларусі. Малашка прайшоў шлях ад простага ўрача да кіраўніка Магілёўскай абласной дзіцячай бальніцы. Працаваў намеснікам старшыні аблвыканкама. Зусім нядаўна ён заняў пасаду міністра працы. Аляксандр Лукашэнка растлумачыў, чаму запатрабавалася такая ратацыя. Прэтэндэнтаў на пасаду кіраўніка Міністэрства аховы здароўя было шмат - больш за дзясятак чалавек, але калегі выказаліся менавіта за кандыдатуру Малашкі, які мае вялікі аўтарытэт у медыцынскай супольнасці.
Прызначаючы кіраўнікоў мясцовай вертыкалі, Прэзідэнт Беларусі гаварыў аб неабходнасці ўзмацніць уладу кіраўнікоў на месцах і падняць выканаўчую дысцыпліну. З гэтага дня новыя кіраўнікі ў сямі раёнах Беларусі. Сярод іх - Астравецкі, Ельскі, Бабруйскі, Шклоўскі і Мсціслаўскі. Кадравая ратацыя закранула некаторыя абласныя і гарвыканкамы. Абнавіўся склад намеснікаў міністраў у Міністэрстве спорту, Мінсельгасхарчы, у эканамічным ведамстве і ў Мінэнерга.
