Аляксандр Лукашэнка пасля галасавання пагутарыў з прэсай і грамадскасцю

Вяртаемся да таго, што сёння прагучала на ўчастку № 1, дзе Аляксандр Лукашэнка пасля галасавання меў зносіны з прэсай і грамадскасцю. Адно з пытанняў датычылася інтэграцыі на фоне пандэміі. Гэтая бяда паказала: у няпростых сітуацыях перш трэба разлічваць на сябе, а не чакаць падтрымкі з-за мяжы - кожны ў гэты момант засяроджаны перш за ўсё на ўнутраных праблемах. 

Прадстаўнікоў замежных СМІ цікавіла знешняя палітыка і тое, як будуць складвацца адносіны з суседзямі і партнёрамі. Тут Аляксандр Лукашэнка верны сабе і лабіруе толькі адну стратэгію:  Беларусь павінна развіваць канструктыўны дыялог і ўзаемавыгаднае партнёрства і на Захадзе, і на Усходзе.

Аляксандр Лукашэнка лічыць найважнейшым падтрымліваць бяспеку і стабільнасць у краіне. Менавіта таму ўсе спробы дэстабілізацыі сітуацыі недапушчальныя і стрымліваюцца. Настроеныя сур'ёзным чынам разабрацца ў сітуацыі з затрыманымі ў краіне баевікамі  запрасілі суседнія краіны да супрацоўніцтва па лініі пракуратур. Што тычыцца беларуска-расійскіх адносін - яны будуць складацца ў нармальным ключы, што б там ні штарміла. Пачуць адказ на гэтае пытанне не перашкодзіў нават  дождж.

Яшчэ аб электаральнай кампаніі прагучала ад журналістаў польскага агенцтва друку. Адказваючы на пытанне датычна правядзення мітынгаў канкурэнтамі, Аляксандр Лукашэнка сказаў, што ў Мінску загадзя былі прадугледжаныя пляцоўкі для такіх мерапрыемстваў. Кампанія праходзіла ў адпаведнасці з заканадаўствам.

Цікавіла журналістаў не толькі тое, што адбываецца на палітычным полі, але цалкам зямныя справы. Тое, ад чаго залежыць рэальная эканоміка. Напярэдадні якраз рабочы дзень Кіраўніка дзяржавы быў прысвечаны ходу ўборачнай кампаніі. Пытанне харчовай бяспекі, нягледзячы на выбары, застаецца ў прыярытэце. Як і развіццё магутных вытворчасцяў у АПК - якраз на заўтра назначана наведванне біятэхналагічнай карпарацыі.

Сёння на ўчастку № 1 прысутнічала не толькі шмат журналістаў, але і медыйныя персоны, спартсмены... Ніхто не спяшаўся пакідаць месца зносін. Ужо пасля  яны падзяліліся сваімі ўражаннямі.