Беларусь працягвае пашыраць гарызонты супрацоўніцтва. У Нью-Дэлі завяршыліся перамовы міністра замежных спраў Беларусі Сяргея Алейніка са сваім індыйскім калегам. Бакі абмеркавалі эканамічнае ўзаемадзеянне і канкрэтныя кааперацыйныя праекты. Надалі ўвагу міжрэгіянальным і парламенцкім сувязям, а таксама гуманітарнаму супрацоўніцтву. Дасягнута дамоўленасць аб далейшым спрашчэнні візавага рэжыму. У рамках візіту ў індыйскую сталіцу прайшла сустрэча і з міністрам хімічнай прамысловасці і мінеральных угнаенняў. Асаблівая ўвага нададзена гарантаванню харчовай бяспекі, пастаўкам беларускай тэхнікі, а таксама супрацоўніцтву ў сферы фармацэўтыкі і хімічнай прамысловасці.
