Сёння завяршыўся афіцыйны візіт Прэзідэнта Беларусі ва Узбекістан. Яго ўжо назвалі гістарычным для адносін Мінска і Ташкента. Былі ахоплены практычна ўсе сферы. Аляксандр Лукашэнка адзначыў, што Узбекістан стаў апорным пунктам для нашай краіны ў Цэнтральнай Азіі.
Кіраўнікі дзяржаў на працягу некалькіх дзён у розных фарматах абмяркоўвалі будучыню двухбаковых адносін. Борт № 1 адправіўся ў Мінск з вялікім партфелем выніковых дакументаў. Прэзідэнта ў аэрапорце праводзіў прэм'ер-міністр Узбекістана.
Бакі дамовіліся аб канкрэтных праектах, якія павінны вывесці выніковы тавараабарот на 1 млрд долараў - і гэта не фінальная лічба. Галоўнае - абедзве краіны і лідары вельмі зацікаўленыя адно ў адным. Ва Узбекістана ёсць свая сыравінная база. Не хапае тэхналогій. Беларусы гатовы іх даць і ў сельскай гаспадарцы, і ў прамысловасці, і ў ахове здароўя, і ў адукацыі, і ў падрыхтоўцы кадраў. Усе магчымыя праекты прапісаны ў дарожнай карце да 2025 года.
Праграма ў гэтага візіту была вельмі шчыльнай. Рабочая частка - перамовы тэт-а-тэт. Лукашэнка і Мірзіёеў размаўлялі за зачыненымі дзвярамі амаль дзве гадзіны. Пашыранае пасяджэнне, сумесная заява, падпісанне дарожнай карты, нефармальныя зносіны - і ўсяму гэтаму папярэднічаў Форум рэгіёнаў Беларусі і Узбекістана.
Зыходзячы з усіх навін, эксперты ўпэўнены: такое супрацоўніцтва па-новаму адкрывае Азію. Стратэгічна гэта выгадна і Беларусі, і Узбекістану і аўтаматычна дасць выхад на трэція рынкі. Падрабязнасці расказала Кацярына Круталевіч (гл. відэа).
