Размова на вышэйшым узроўні перад Новым годам. Літаральна за некалькі дзён да галоўнага свята зімы Прэзідэнт Беларусі наведаў Санкт-Пецярбург. Там прайшоў сапраўдны перагаворны марафон: нефармальная сустрэча лідараў СНД і дыялог Аляксандра Лукашэнкі і Уладзіміра Пуціна тэт-а-тэт.
І хаця лідары Садружнасці Незалежных Дзяржаў, відавочна, паказалі сваю згуртаванасць, менавіта супрацоўніцтва Мінска і Масквы эксперты як адзін называюць прыкладам для пераймання.
Саюзнае будаўніцтва - у 2021 годзе тут зроблены істотны крок наперад.
Агульныя намаганні па бяспецы і абароне - ад сумесных вучэнняў не адмаўляюцца.
Развіццё эканомікі і кааперацыі - тут новыя крокі і збліжэнне. Напрыклад, Беларусь і Расія дамовіліся аб сумеснай працы ў галіне авіябудавання.
Палітычную сінхранізацыю пасля перамоў лідары паказалі і на лядовай арэне: згулялі таварыскі матч, умоўна падзяліўшыся з хакеістамі на каманды белых і чырвоных. Аляксандр Лукашэнка і Уладзімір Пуцін у адной дружыне.
І хакейныя баталіі, і прыемныя падарункі прэзідэнтаў адзін аднаму паказалі: у саюзнай плоскасці мы правялі год насычана і ведаем, што рабіць далей.
