Сёння на саюзным Саўміне кіраўнікі ўрадаў падпісалі дакументы аб паглыбленні інтэграцыі. Бакі ўжо падлічваюць выгады. Паводле слоў Рамана Галоўчанкі, прамы эфект для Беларусі ад інтэграцыйнага пакета - мільярд долараў. Як адзначыў Міхаіл Мішусцін, галоўная мэта - гэта рост дабрабыту грамадзян дзвюх краін. З асноўных момантаў - грашова-крэдытная палітыка будзе збліжана, падатковая і мытная сістэмы сінхранізаваныя. Беларускі бок атрымае доступ да расійскіх дзяржзакупак і субсідый. Інтэграцыя будзе ісці на прынцыпах адкрытасці і ўзаемнага даверу.
Тавараабарот паміж краінамі ў першым паўгоддзі павялічыўся на 35 % і склаў амаль 18 мільярдаў долараў. А ўлічваючы новыя магчымасці, якія адкрываюцца перад дзяржпрадпрыемствамі і прыватным бізнесам, ёсць усе перадумовы, што гэтыя паказчыкі будуць расці.