Сёння Аляксандр Лукашэнка правёў сустрэчу з кіраўніком галоўнай дзяржкарпарацыі развіцця Расіі Ігарам Шувалавым. ВЭБ.РФ інвесціруе ў важныя для краіны інфраструктурныя і прамысловыя праекты. Беларусь - яе надзейны і правераны партнёр. Адзін з найбуйнейшых сумесных праектаў БелАЭС пацвердзіў эфектыўнасць беларуска-расійскага інвестыцыйнага супрацоўніцтва. І Аляксандр Лукашэнка ўпэўнены: яно працягнецца ў тым жа пазітыўным ключы. Галоўнае - працаваць згодна з законам!
Расійская дзяржкарпарацыя прапаноўвае Беларусі абноўлены парадак супрацоўніцтва. Карэкціроўкі ўносіць беспрэцэдэнтны эканамічны ціск. Больш цесная кааперацыя нашых краін павінна стаць адказам на заходнія санкцыі, упэўнены Ігар Шувалаў. Новыя сумесныя праекты стануць гарантыяй тэхналагічнага суверэнітэту Беларусі і Расіі, стварэння наймацнейшых эканомік нашых краін.
