У афрыканскім горадзе Кампала працягваецца актыўная работа на палях 19-га саміту Руху недалучэння.
18 студзеня кіраўнік беларускага знешнепалітычнага ведамства прыняў удзел у пятай міністэрскай сустрэчы Групы сяброў у абарону Статуту ААН. Таксама Сяргей Алейнік правёў шэраг перамоў з прадстаўнікамі Алжыра, Філіпін, КНДР і самой Уганды. Сярод пытанняў, якія абмяркоўваліся, - супрацоўніцтва ў сельскай гаспадарцы, пастаўкі беларускай тэхнікі, кааперацыйныя праекты. Так, кіраўнік МЗС Алжыра звярнуў увагу на высокую якасць прадукцыі з Беларусі і шырокае прызнанне вартасцяў беларускай тэхнікі. Міністр замежных спраў Уганды пацвердзіў планы наведаць сёлета Мінск з афіцыйным візітам.
Акрамя таго, Сяргей Алейнік правёў перамовы з індыйскім калегам. Міністры абмеркавалі нарошчванне аб'ёмаў узаемнага гандлю, развіццё сумесных праектаў, пытанне стварэння адзінай валютнай сістэмы ў рамках БРІКС. Таксама бакі дамовіліся правесці ў Мінску пасяджэнне беларуска-індыйскай міжурадавай камісіі па супрацоўніцтве ў галіне гандлю, эканомікі, прамысловасці і навукі.
А 19 студзеня Сяргей Алейнік выступіў на пленарным пасяджэнні кіраўнікоў дзяржаў і ўрадаў Руху недалучэння. Ён адзначыў, што канфліктаў на планеце становіцца ўсё больш, ролю Руху недалучэння ў іх магчымым урэгуляванні немагчыма пераацаніць.
