Зялёныя нумары - такія рэгістрацыйныя знакі ў Беларусі будуць устанаўліваць на электрамабілі

ДАІ стала выдаваць зялёныя нумары - такія рэгістрацыйныя знакі ў Беларусі будуць устанаўліваць на электрамабілі. Новы нумар падкрэсліць не толькі экалагічнасць транспарта, яго ўладальнікі атрымаюць і шэраг пераваг: бясплатная паркоўка да 2026 года і вызваленне ад дарожнага збору. Акрамя таго, пры самастойным увозе электракараў для асабістага карыстання не трэба плаціць за растаможку і ПДВ. Ва ўладальнікаў будзе магчымасць вярнуць выплачаную пры набыцці электрамабіля суму ў межах 500 базавых велічынь.

Аляксандра Папова, афіцыйны прадстаўнік УДАІ ГУУС Мінгарвыканкама: "Атрымаць такія рэгістрацыйныя знакі можна ў МРА ДАІ. Аднак уладальнікі такіх аўто могуць працягваць ездзіць з раней выдадзенымі знакамі старога ўзору, на якім нумар нанесены чорным колерам". 

Указ "Аб стымуляванні выкарыстання электрамабіляў" у Беларусі ўступіў у сілу з 1 ліпеня.