Усе гатэлі, якія будуюцца да чэмпіянату свету, плануецца здаць у эксплуатацыю да канца сакавіка. Паводле слоў мэра сталіцы, самая напружаная сітуацыя цяпер вакол гатэля Вікторыя Алімп. Ён размешчаны на праспекце Пераможцаў непадалёк ад Мінск-Арэны. Падчас спартыўнага першынства там спыняцца прадстаўнікі Міжнароднай федэрацыі хакея.
Спецыяльна да чэмпіянату ў Мінску планавалася адкрыць трынаццаць новых гасцініц, а таксама аднавіць гатэль Беларусь. Акрамя таго, гасцей спартыўнага першынства будуць прымаць хостэлы і студэнцкія інтэрнаты ў фан-вёсцы.
