Сучаснае медыцынскае абсталяванне і кваліфікаваныя акушэры як у лепшых клініках свету. Так сёння сказаў пра беларускі навукова-практычны цэнтр "Маці і дзіця" намеснік Генеральнага сакратара ААН Мішэль Сідзібэ, які наведаў медустанову. Ён адзначыў, што наша краіна па шматлікіх паказчыках, асабліва ў сферы аховы мацярынства і дзяцінства, займае высокія пазіцыі ў свеце. Напрыклад, блізкая да нуля дзіцячая смяротнасць. Таксама падчас візіту была закранута тэма перадачы ВІЧ і іншых хвароб ад маці да дзіцяці. Выканаўчы дырэктар ЮНЭЙДС павіншаваў прадстаўнікоў Міністэрства аховы здароўя з выключным паказчыкам па гэтай праблеме - летась Беларусь атрымала сертыфікат САЗ, які пацвярджае элімінацыю ў нашай краіне.
Мішэль Сідзібэ, намеснік Генеральнага сакратара ААН, другі выканаўчы дырэктар ЮНЭЙДС:
"Вы ведаеце, я не здзіўлены, убачыўшы вашу клініку. Бо Беларусь адна з краін, блізкіх да дасягнення Мэт тысячагоддзя ААН. У вашай краіне адны з лепшых паказчыкаў у гарантаванні матчынага і дзіцячага здароўя. І я бачу, што гэта дзякуючы тэхналогіям і прафесіяналізму ўрачоў".
Канстанцін Вільчук, дырэктар ДУ РНПЦ "Маці і дзіця":
"Мы, вядома, выдатна выглядаем у параўнанні з усімі краінамі СНД, Еўрасаюза. Мы дасягнулі гэтых паказчыкаў дзякуючы дзяржпадтрымцы. Мы дасягнулі гэтых паказчыкаў дзякуючы прыярытэту службы аховы мацярынства і дзяцінства ў нашай галіне, а таксама арганізацыйным тэхналогіям па аказанні дапамогі ў нашай краіне".
Падчас экскурсіі па цэнтры "Маці і дзіця" Мішэль Сідзібэ пабываў у аперацыйных, палатах сумеснага знаходжання, таксама наведаў аддзяленне, дзе шанц на жыццё даюць немаўлятам, якія нарадзіліся дачасна.