Ля экранаў тэлевізараў за спартыўнымі баталіямі на ІІ Еўрапейскіх гульнях будуць сачыць гледачы больш чым з 140 краін. Трансляцыю спаборніцтваў забяспечыць Міжнародны вяшчальны цэнтр.
Ён размясціўся на праспекце Пераможцаў. Як уладкованая галоўная тэлекамунікацыйная структура форуму і якім чынам будзе фарміравацца мэдыякантэнт, распавядзе Іна Пілевіч.
Тут усталявана каля 40 тон канструкцый металічных, гэта не лічачы абсталявання, мэблі і іншага.
Яны транслююць на гульнявым полі. Міжнародны вяшчальны цэнтр узвялі на базе сталічнага Футбольнага манежа. Маштабны комплекс збудавалі, не пашкоджваючы дарагога пакрыцця. На рэалізацыю праекта для ІІ Еўрапейскіх гульняў сышло больш за 4 месяцы.
Хатнім вяшчальнікам спартыўнага форуму стала іспанская кампанія ISB. У гэтай каманды вялікі вопыт працы на спартыўных мерапрыемствах. У рэзюмэ - алімпіяды, Панамерыканскія і І Еўрапейскія гульні. Для рэалізацыі трансляцыі ў Мінску сабралі каманду з усяго свету. Цэнтр трымаюць сувязь з 12-ю перасоўнымі тэлевізійнымі станцыямі. Сярод іх ПТС і Белтэлерадыёкампаніі.
Урсула Рамэра, кіраўнік вытворчасці кампаніі хатняга вяшчальніка II Еўрапейскіх гульняў, Іспанія: "Перасоўныя тэлевізійныя станцыі прыбылі з Харватыі, Румыніі, Грэцыі, Кітая. Таксама працуем з чатырма беларускімі ПТС. Мы ўсе гаворым на розных мовах, але гэта не перашкаджае нам арганізаваць эфір".
Міжнародны вяшчальны цэнтр падзелены на некалькі зон. Кожная пранумараваная і падпісаная на дзвюх мовах. Прадугледжаныя рабочыя месцы для праваўладальнікаў, склад абсталявання, цэнтральная апаратная, каментатарская, пакой кантролю якасці, серверная. Апошняя, дарэчы, самае халоднае памяшканне ў комплексе.
Тут займаюцца каардынацыяй тэлебрыгад на пляцоўках форуму, падрыхтоўкай і забеспячэннем трансляцыі спаборніцтваў. Таксама будзе сфарміраваны архіў ІІ Еўрапейскіх гульняў. Вяшчальны цэнтр ужо гатовы распаўсюджваць жывы малюначак для праваўладальнікаў па 4 каналах.
Зараз Міжнародны вяшчальны цэнтр працуе ў тэставым рэжыме. Усе рыхтуюцца да трансляцый. Мяркуецца, што непасрэдна ў час саміх Гульняў штодня тут будуць працаваць 7 сотняў чалавек. Графік з 6 раніцы да 2 ночы.
