Спартыўныя аўтамабілі, беспілотныя лятальныя апараты, матацыклы і нават ракеты. Такія экспанаты можна было ўбачыць на выставе Мінскай абласной арганізацыі ДТСААФ на Кургане Славы. Рарытэты прыцягнулі ўвагу наведвальнікаў з усёй Беларусі. А магчымасць акунуцца ў гісторыю пры дапамозе гідаў была даступна на асобнай выставе экспанатаў Вялікай Айчыннай вайны.
Тэматычныя выставы на Кургане Славы будуць праходзіць кожныя выхадныя. Арганізацыі і ўстановы Мінскай вобласці змогуць прадэманстраваць дасягненні і распрацоўкі ў розных сферах і галінах.
