Мабільны дапаможнік турыста, энергаэфектыўны дом, праект па пераўтварэнні ў электрычнасць ветру і іншыя. 20 лепшых распрацоўшчыкаў Мінскай вобласці прадэманстравалі сёння свае работы на выставе маладзёжных ідэй. 10 найбольш перспектыўных праектаў атрымаюць пуцёўку ў фінал рэспубліканскага конкурсу 100 ідэй для Беларусі.
З юнымі наватарамі сустрэлася Наталля Кузьміцкая.
Вынаходка для тых, хто не ведае англійскую мову, але збіраецца ў вандроўку. Амаль год працуе мабільны дадатак Памочнік турыста, у якім сабраны самыя карысныя парады і распаўсюджаныя фразы на замежнай мове.
Яшчэ ў адзінаццатым класе Пліскай сярэдняй школы Іван Клячкоўскі разам з настаўнікамі і аднакласнікамі працаваў над IT-праектам Школьны эксперымент - мабільным дадаткам, у якім размешчаны відэаінструкцыі да лабараторных работ па фізіцы. Сёння на абласным этапе конкурсу 100 ідэй для Беларусі дэманструе сваю ўласную распрацоўку.
Сёння юнак працуе над функцыяналам і дапаможнікам, дзякуючы якому праз дадатак можна будзе не толькі праслухаць пераклад патрэбнай фразы, але і пачаць вывучэнне гэтай мовы. У будучыні не толькі англійскую, але і нямецкую.
Пераўтварэнне энергіі ветру ў электрычнасць, энергазахаванне, бія- і нанатэхналогіі, сярод распрацовак вельмі шмат амбіцыйных праектаў, якія ўжо сёння могуць выкарыстоўвацца ў навуцы ці прамысловасці.
10 найбольш перспектыўных праектаў будуць прадстаўляць Мінскую вобласць на рэспубліканскім конкурсе 100 ідэй для Беларусі. Падрыхтоўку да яго пасля прэзентацый абмяркоўвалі і на маладзёжным форуме падчас так званага адкрытага дыялогу.