Суд Цэнтральнага раёна Мінска паставіў кропку ў гучнай справе бізнесменаў Япрынцавых і іх партнёра Арабяна. Уладзімір Япрынцаў прыгавораны да штрафу і быў вызвалены ў зале суда. А вось яго сын Казбек і кампаньён па бізнесе Аляксандр Арабян атрымалі па 8 гадоў пазбаўлення волі з канфіскацыяй маёмасці. Япрынцаў-старэйшы прызнаны вінаватым у неабяцаным укрывальніцтве асоб, якія ўчынілі злачынства. А Казбек Япрынцаў і Арабян - у махлярстве. Пры гэтым суд зняў арышт з маёмасці Япрынцава-старэйшага. Таксама пацярпелым было адмоўлена ў матэрыяльным іску да Япрынцава-старэйшага. А вось іск у памеры больш за 23 і больш за 7 мільёнаў долараў да Казбека Япрынцава і Аляксандра Арабяна быў пацверджаны. Усе адвакаты абвінавачаных заявілі, што плануюць абскардзіць прысуд.
Япрынцава-старэйшага і яго сына Казбека затрымалі летам мінулага года пасля таго, як кіраўнік кампаніі Юрый Чыж звярнуўся з заявай у КДБ, што ў "Трайпл" узніклі праблемы з выплатай падаткаў з-за дзеянняў яго намесніка.
