Пляцоўкай чарговага Форуму рэгіёнаў Беларусі і Расіі стане Мінск і Мінская вобласць
Ён запланаваны на восень. За ўсю гісторыю правядзення (а гэта ўжо сёмая сустрэча) форум упершыню пройдзе пад знакам гістарычнай спадчыны. Яго прысвяцяць 75-годдзю Вялікай Перамогі. Аб гэтым сёння заявіла кіраўнік верхняй палаты парламента Наталля Качанава. Падзеі будуць прысвечаныя пяць секцый: захаванне гістарычнай спадчыны і ўмацаванне адзінства народаў Беларусі і Расіі, патрыятычнае выхаванне, сумесныя эканамічныя праекты, а таксама падтрымка сельскай моладзі.Наталля Качанава, старшыня Савета Рэспублікі Нацыянальнага сходу Беларусі: "Тэма форуму вызначаная - "Гістарычная спадчына Вялікай Перамогі як аснова развіцця сацыяльна-эканамічных і духоўных сувязяў народаў Беларусі і Расіі". Гэта значыць, такая ўсёабдымная тэматыка, якая сёння, я мяркую, закране кожнага беларуса і ўсіх тых, хто мае дачыненне да гэтай вялікай даты. Таму мы праводзім сёння пасяджэнне арганізацыйнага камітэта, дзе будзем разглядаць усе пытанні, якія звязаныя з падрыхтоўкай і правядзеннем гэткага маштабнага мерапрыемства ў рамках Саюзнай дзяржавы".
