Вянок ад пасольства Беларусі ўсклалі сёння ў Маскве да Магілы Невядомага Салдата. Урачыстая цырымонія традыцыйна праходзіць напярэдадні 9 Мая і прысвечана 74-й гадавіне Перамогі ў Вялікай Айчыннай вайне. Помнік знаходзіцца ў Аляксандраўскім садзе ля сцен Крамля. Пад бронзавым манументам пахаваны прах невядомага воіна, чые астанкі былі ўзятыя з брацкай магілы, выяўленай пасля вайны пад Масквой. Сёння гэта сімвал памяці аб усіх салдатах, якія загінулі, абараняючы нашу Радзіму. Удзельнікі мерапрыемства - дыпламаты, парламентарыі і военачальнікі - усклалі кветкі пад музыку ваеннага аркестра, які выканаў гімн Беларусі. Завяршылася цырымонія праходжаннем роты ганаровай варты Праабражэнскага палка.
Падчас Вялікай Айчыннай вайны загінулі больш за 27 мільёнаў жыхароў СССР. У Беларусі дахаты не вярнуўся кожны трэці. Як адзначыў дыпламат, размаўляючы з журналістамі, зараз Беларусь і Расія разам супрацьстаяць спробам перапісаць гісторыю Другой сусветнай. Таму памяць пра гэту вайну павінна жыць у сэрцах будучых пакаленняў.
