Пасту памяці - 45 гадоў. У 1972 у мемарыяльным комплексе Брэсцкая крэпасць-герой на вахту да Вечнага агню заступілі першыя юнармейцы. Міратворчы рух працягвае жыць і сёння - на пасту хлопчыкі і дзяўчынкі з 13 гарадоў Беларусі і Расіі. Усяго за гады існавання паста вахту памяці ў цытадэлі неслі больш за 90 тысяч школьнікаў.
Ігар Чыкалаў, кіраўнік паста памяці мемарыяльнага комплексу "Брэсцкая крэпасць-герой": "Несці вахту памяці ля Вечнага агню - гэта гонар. Трапляюць у мемарыяльныя атрады лепшыя з лепшых, дзе яны праходзяць асновы ваеннай падрыхтоўкі. Адчуваюць сваю адказнасць за захаванне міру на зямлі, тое, што яны далучаюцца да часцінкі гісторыі, увекавечваючы памяць загінуўшых абаронцаў Айчыны".
Анастасія Панкова, юнармеец паста памяці № 1 горада-героя Тулы, Расія: "Мы з паста памяці №1 з Тулы. У кожным горадзе ёсць пост № 1. І ў нас таксама. Я лічу, што гэта гонар для нас, стаяць там. Гэта для нас шанц ушанаваць памяць тых, хто аддаў свае жыцці за нас, за мірнае неба".
Ужо заўтра дэлегацыі паспаборнічаюць у веданні гісторыі падчас квэст-гульні па тэрыторыі Брэсцкай крэпасці, а таксама наведаюць пагранічную заставу і Белавежскую пушчу.
