Новыя інвестпраекты развіваюць у беларускіх рэгіёнах. У горадзе машынабудаўнікоў - Жодзіне - узводзяць адразу дзве гасцініцы. Попыт на гасцінічны сэрвіс расце ў тым ліку і дзякуючы развіццю на БелАЗе прамысловага турызму. Адзін з гатэляў інавацыйны. Гэта энергаэфектыўны будынак, абсталяваны сонечнымі панэлямі, а таксама цеплавымі помпамі пад зямлёй. Частка фасадаў у жоўтым - брэндавым белазаўскім - колеры. Гасцініца - праект мясцовага прадпрымальніка. Усяго будзе 36 нумароў эканамкласа і тры люксавыя.
Сяргей Шыльнікаў, інвестар, прадпрымальнік:
Бяром цяпло з зямлі і атрымліваем цяпло ў памяшканнях. Каэфіцыент 1 і 4, гэта значыць на 1 кілават патрачанай электрычнай энергіі мы атрымліваем 4 кілаваты цеплавой энергіі. Я думаю, што кліентаў будзе шмат.
А ў сферы машынабудавання працягваецца рэалізацыя інвестпраекта МАЗ па выпуску тралейбусаў і электробусаў. Усяго за год у Жодзіне могуць вырабляць 330 адзінак тэхнікі. Сярод актуальных заказаў - электратранспарт як для ўнутранага рынку, так і для гарадоў Расіі.
