Новы ўказ Прэзідэнта забараніў прыватным эксплуатацыйным службам кіраваць жыллёвым фондам. Звязана гэты з неаднаразовымі скаргамі з боку жыхароў. Прыватнікам зараз нельга ўстанаўліваць свае тарыфы на камунальныя паслугі. У чым яны правініліся, і якія бонусы для насельніцтва прынясе новы ўказ.
Усе падрабязнасці ў рэпартажы Дзмітрыя Цітова.
Адзін з дамоў, які знаходзіцца ў мяне за спінай, і стаў апошняй кропляй для прыватных ЖЭСаў. Яго жыхары сталі біць трывогу пасля таго, як падпісалі дагавор у свайго забудоўшчыка. У выніку тарыфы на жыллёва-камунальныя паслугі сталі неапраўдана высокімі.
Атрымліваецца, што ў жыроўкі дадалі паслугі, у якіх не мелі патрэбу жыхары: камеры відэаназірання, кансьерж. Тарыфы раслі як на дражджах. Прычым, усе надбаўкі кіруючая кампанія ні з кім не агаворвала.
Старшыня таварыства ў Фрунзенскім раёне Мінска з прыватнымі ЖЭСамі спраў не меў. Яго дом абслугоўваюць дзяржслужбы. Праўда, жыхары суседніх дамоў просяцца пад апеку. Там як раз і арудуюць прыватнікі, якім няма ніякай справы да сваіх жыхароў.
Іх усяго 20 па рэспубліцы, але скаргі па эксплуатацыі дамоў паступаюць неаднаразова. Новы ўказ Кіраўніка дзяржавы адгарадзіў прыватныя ЖЭСы ад кіравання жыллёвым фондам.
Зрэшты, прыватныя ЖЭСы складаюць усяго 1% ад рынку аказання паслуг. Паводле слоў дырэктара агенцтва нерухомасці, яны спецыяльна бралі вялікі аб'ём жылога фонду. Зараблялі на завышаных тарыфах і паслугах. З новым указам застануцца толькі добрасумленныя службы.
Новы ўказ зробіць сістэму абслугоўвання жылых дамоў больш празрыстай і дазволіць выкарыстоўваць грошы жыхароў па прызначэнні. Таварыствы ўласнікаў зараз павінны размяшчаць грашовыя сродкі на капітальны рамонт ва ўкладах і дэпазітах банкаў.
