У сталіцы завяршаецца капітальны рамонт і мадэрнізацыя плошчы Перамогі

За больш чым паўгода ля аднаго з галоўных манументаў краіны абнавілі імідж. Пры гэтым увесь аўтэнтычны матэрыял захаваны: пліты дэманціравалі, пачысцілі, адшліфавалі і вярнулі на месца. Заштукавалі расколіны і сколы ў граніце. Абнавілі гарэльеф і пазалоту ордэна Перамогі. Ужо гарыць і Вечны агонь. З гэтага часу ў яго новая сістэма газазабеспячэння. Прыкметна змяніўся і падземны ўзровень: там з'явіўся вялікі мультымедыйны экран, на падлозе  тактыльная плітка, зроблены дадатковыя інфармацыйныя стэнды. Сам помнік на плошчы Перамогі ўзвялі ў 1954 годзе. Вечны агонь ля манумента з'явіўся праз 7 гадоў. Апошні раз маштабны рамонт помніка і плошчы праводзілі ў 2003 годзе.