Армейскія міжнародныя гульні - 2021 афіцыйна закрытыя. Па традыцыі ў гэты дзень праходзіць фінал конкурсу "Танкавы біятлон". Сёлета ў ім удзельнічалі экіпажы з 19 краін. У фінал выйшлі 4 каманды, якія ў агульным заліку паказалі лепшы час.
На палігоне Алабіна прайшоў фінал конкурсу "Танкавы біятлон"
Па выніках індывідуальнай гонкі, дзе ўдзельнічалі 33 экіпажы, беларускі заняў 3-е месца. Наша каманда ўпэўненым крокам прайшла ў паўфінал. Але з-за моцнага ліўня конкурс "Эстафета" перанеслі. Тым не менш траса не паспела высахнуць і больш нагадвала балота. Гэта моцна абцяжарыла праход танкаў па маршруце - проста немагчыма было набраць высокую хуткасць. У выніку ні адна з каманд гэтага заезду не прайшла ў фінал.
Беларусы заваявалі 17 узнагарод на Армейскіх міжнародных гульнях
У Армейскіх гульнях беларусы ўдзельнічалі ў 26 конкурсах з 36. Заваявалі 17 узнагарод. Золата ў нашых снайпераў, спецпадраздзяленняў і сувязістаў. Серабро ўзялі картографы, ваенныя аўтаінспекцыі, спецыялісты беспілотнага бою і водных пантонных перапраў. Бронза ў нашых дэсантнікаў, інжынераў, лётчыкаў, разведчыкаў, кінолагаў, повараў і прадстаўнікоў армейскай культуры.
